आन्दोलनरत्त शिक्षकहरुको माग पुरा होस् : राजेन्द्रप्रसाद चौधरी

 

जीवछ उदासी 

लहान,असोज ११ गते । 

सिरहा -१ क प्रदेशसभा सदस्य राजेन्द्र प्रसाद चौधरीले नौ दिनदेखि राजधानी केन्द्रित आन्दोलन गरिरहेको मागलाई पुरा गर्नुपर्ने बताउनु भएको छ । 

 आज नौ दिनदेखि विद्यालय घर जिल्ला छाडेर राहत बालविकास पेन्सन बञ्चित र प्लस टु अनुदान कोटाका शिक्षकहरु स्थायीको माग गर्दै गरि रहेको आन्दोलन जायज रहेकोले सरकारले पुरा गर्नुपर्ने उहाँले बताउनुभयो । 

'स्थायी नहुँदा मनोबल कमजोर र निरास रहेका शिक्षकहरुको माग जायज छ । आन्दोलन गरेरै माग पुरा गराउनुपर्ने अभ्यासपनि ठिक भएन । वर्षौदेखि काम गरिरहेका शिक्षकहरुलाई स्थायी गर्ने बुँदा शिक्षा विधेयकमा आउनुपर्दथ्यो,त्यो नआउनु कमजोरी हो,माननीय चौधरीले जोडदिनुभयो । 

सिरहाबाट सङघमा प्रतिनिधित्व गर्नुहुने मानीयहरुले यस विषयमा आवाज उठाउनुको साथै आन्दोलनरत शिक्षकहरुको राजधानीमा खाना र आवासको समेत व्यवस्थापनमा लाग्नुपर्ने ध्यान आकर्षित गराउनुभयो । 

शिक्षक महासङ्घले राहत बालविकास पेन्सन बञ्चित र प्लस टु का शिक्षकहरुको माग छाडेर सरकारसँग वार्ता गरेर सम्झौता गरेको भोलिपल्टदेखि निरन्तर आन्दोलन गर्दै आइरहेका छन् ।