शान्तिपूर्ण बजार अनुगमनमा व्यवसायीहरुद्वारा हातपात र दुव्र्यवहार

समृद्धिपथ समाचारदाता

लहान । सिरहाको गोलबजारमा नियमित शान्तिपूणर् बजार अनुगमनको क्रममा स्थानीय व्यवसायीहले अनुगमन टोलीमाथि हातपात र दुव्र्यवहार गरका छन्।

बुधबार बजार अनुगमनका क्रममा गुणस्तर तथा नापतौल कार्यालय वीरगञ्ज पर्सा, घरेलु तथा साना उद्योग कार्यालय लहान, इलाका प्रशासन कार्यालयका लहान र गोलबजार नगरपालिकाका जनप्रतिनिधी तथा कर्मचारीको संयुक्त टोलिको शान्तिपूणर् अनुगमनमा केही व्यवसायीहरुले दुव्र्यवहार र ढुंगा मुडा गरी बजार अनुगगमनमा बाधा पुर्‍याएका हुन्।
नियमित बजार अनुगमनको क्रममा आफूहरुमाथि भएको घटना निन्दनीय भएको भन्दै दोषीमाथि कडा कार्वाहीको माग समेत अनुगमन टोलीले गरेका छन्।

यता व्यसायीहरुले प्रेस विज्ञप्ती जारी गरी संयुक्त अनुगमन टोलिले पसल अनुगमनको नाममा व्यापारीहरुलाई अनावश्यक दुःख दिने नियतले जरिवाना गरी मानसिक तथा आर्थिक यातना दिँदै आतङक मचाएपछि स्थानिय व्यापारीहरु र अनुगमनटोली विच भनाभनको स्थिती सिर्जना भएको उल्लेख गरेको छ।

व्यसायी र अनुगन टोलिविच भएको तनावपछि स्थानीय व्यवासायीले बजारबन्द गरेर एक घण्टा पूर्वपश्चिम राजमार्ग मन्द गरेका थिए। प्रहरीले बन्द खुलाएपछि आक्रोसित व्यसायी नगरपालिकामा तालाबन्दी गर्न पुगेका थिए।

बजार अनुगमन टोलीमा वाणिज्य आपूर्ति तथा उपभोक्ता संरक्षण कार्यालय विरगंजका सुरेश रेग्मी, निरीक्षण अधिकृत लिलाकान्त पौडेल, घरेलु तथा साना उद्योग कार्यालय लहानका प्रमुख दिपेन्द्र कुमार यादव, गोलबजार नगरपालिकाका उपप्रमुख मान्ती साह र इलाका प्रशासन कार्यालयका प्रतिनिधि लगायतका रहेका थिए।