सामाजिक विकृति हटाउन लागौ : सांसद रामशङ्कर यादव

 

जीवछ उदासी 

सिरहा -१ का संघीय सांसद राम शङकर यादवले सामाजिक विकृति हटाउन यादव समुदाय अघि बढ्नुपर्ने बताउनु भएको छ । 

गोपाल सेवा समिति लहानले आयोजना गरेको दसैं,दिपावली र छठ पर्वको अवसरमा आयोजित शुभकामना आदान प्रदान कार्यक्रमलाई प्रमुख अतिथिको रुपमा सम्बोधन गर्दै यस्तो बताउनु भएको हो । 

मधेशमा १४ प्रतिशत यादव समुदाय रहेको उहाँले भन्दै यो समुदाय सामाजिक विकृति हटाउन र सामाजिक न्यायको लागि अगुवाइ गर्नुपर्नेमा जोड दिनुभयो । 

दसैंले शक्ति दिपावलीले सम्पति र छठ पर्वले सुस्वास्थ्य राखुन शुभकामना ब्यक्त गर्दै सांसद यादवले भन्नुभयो,'यादव समुदायमा रहेको राम्रो पक्ष अन्य समुदायले सिक्नुपर्ने र अन्य समुदायको राम्रो पक्ष यादव समुदायले ग्रहण गर्न आवश्यक छ ।' 

नेकपा एकिकृत समाजवादीका केन्द्रिय सदस्य सिरहा इन्चार्ज समेत रहनु भएको सत्य नारायण यादवले गोपाल सेवा समिति भावनात्मक एकताको लागि चुकेको स्मरण गराउनुभयो । उहाँले भन्नुभयो,' आफ्नै घरभित्र मार्यादाक्रमको ख्याल नगरे छिमेकीले के गर्ला ? आजको कार्यक्रममा मेरो मान मर्दनभयो । यहि रबैया रहि रहे आइन्दा गोपाल सेवा समितिले आयोजना गरेको कार्यक्रममा आउँदिनँ ।' मनमा कैंची राखेर एकता संभव हुँदैन,मनसाय र नीयत सहि भएमात्रै यादवहरुको भावनात्मक एकता हुने उहाँले बताउनुभयो । 

कार्यक्रममा एकदर्जनभन्दा बढी यादव समुदायका अगुवाहरुले शुभकामना व्यक्त गर्दै यादव समुदाय किन पछि परिरहेको छ ? त्यसको खोजी गर्दै अघि बढ्नुपर्ने तर्क गर्नुभयो । 

गोपाल सेवा समितिका संरक्षक हरि नारायण यादव पुर्व मन्ती राजलाल यादव गोपाल सेवा समितिका पुर्व अध्यक्षहरु राम बिनय यादव विशेश्वर यादव रिता यादव लेखापढी व्यवसायी संघ लहानका अध्यक्ष राम नारायण यादव ,चितवन जिल्लाको गोपाल सेवा समितिको अध्यक्ष शैलेन्द्र यादव रिता यादव र अनिता यादवको मञ्चमा उपस्थिति रहेको थियो ।

तीन कठा १५ धुर जग्गामा अढाइ करोडको लागतमाका एकसभाहल सहित २३ कोठा भवन निर्माण भएको गोपाल सेवा समितिको प्राङगनमा ३० लाखको लगानीमा गोपाल सेवा समितिका संस्थापक अध्यक्ष पवन यादवले कृष्णको मन्दिर निर्माण गर्नु भएको छ । गोपाल सेवा समितिको भवन निर्माणको लागि दसलाख चन्दा कचनारी निवासी जितेन्द्र यादवले चन्दा दिएर शिलान्यास गर्नु भएको थियो । अहिलेसम्म ३३४ जना यादवले दुइ करोडभन्दा बढी चन्दा दिइएका छन् । गोपाल सेवा समितिको भवन लहानको ट्राफिक कार्यालय नजिक लोकमार्गमा रहेको छ ।