श्मसानघाट नहुँदा दाह संस्कारमा समस्या

 

जीवछ उदासी 

लहान,कातिक २८ गते । 

 लहान- ८ निवासी पशुपति आदर्श माध्यमिक विद्यालयका पुर्व प्रधानाध्यापक श्री जेएस मुरारका बहुमुखी क्याम्पसको संस्थापक नेपाली विषयका प्राध्यापक विश्वनाथ महतोको दाह संस्कारमा सहभागीहरुले ११ बजेको घाममा कतै वस्ने छाहारी नहुँदा सबैको मुखबाट निस्केको साझा शब्द थियो । लहानमा श्मसानघाट निर्माण नहुँदा ठूलो समस्या भइरहेको छ । 

लहान-४ खुटी खोलामा श्मसानघाट निर्माणको लागि पहलै नभएको होइन । लहान नगरपालिकाले दुई करोडभन्दा बढीको लगानीमा टेण्डर ठेक्का सबै लागि सकेको थियो । लहान-४ का वडाध्यक्ष रामनाथ पण्डितको नेतृत्वमा श्मसानघाट निर्माणको कार्यमा खटिएका प्राविधिकहरुलाई काम गर्न दिइएको थिएन । यहि अवरुद्ध र रोकाबटको कारण लहान-४ श्मसानघाट निर्माण हुन सकिरहेको छैन । आज विश्वनाथ महतोको दाह संस्कारमा पुर्व मन्त्री प्रदेश सभाका सदस्यहरु नगरप्रमुख उपप्रमुख वडाध्यक्ष ज्युहरु समाजका अगुवा व्यक्तित्वहरु चर्को घाममा टाउकोमा गम्छी राखेर दाह संस्कारहुञ्जेल खुल्ला मैदानमा बस्नु परेको थियो । 

घामपानी दुबै समयमा व्यवस्थित तरिकाले लासको दाह संस्कार गर्न लहान नगरपालिका ४,५,६,७,८ नम्बर वडाको लासको दाह संस्कारको केन्द्र रहेको खुटी खोलामा श्मसानघाट बन्नुपर्ने माग उठेपछि लहान -४ र ५ नम्बर वडामा पर्ने खुटी खोलामा पुर्व मेयर मुनि साहको कार्यकालमा नै श्मसानघाट निर्माणको लागि दुइ करोड बजेट बिनियोजन गरिएको थियो । कैयनपटक प्रयास गर्दापनि घाट निर्माण नहुँदा बजेट फ्रिज भएको थियो । 

७६ वर्षको उमेरमा विश्वनाथ महतोको निधन भएको खबर पाएपछि पु्र्वमन्त्री नेपाली काँग्रेसको केस पद्म नारायण चौधरी,प्रदेशसभामा पूर्व माननीय लगनलाल चौधरी,वर्तमान प्रदेशसभामाका सदस्यहरु राजेन्द्रप्रसाद चौधरी,शत्रुधन प्रसाद सिंह कोइरी नगरपालिका पुर्व मेयर मुनि साह,वर्तमान मेयर महेश प्रसाद चौधरी,नेपाली काँग्रेसका युवा नेता सन्तोष चौधरी नेकपा एमाले नगर अध्यक्ष राजकुमार साह,नेकपा माओवादी केन्द्रका अध्यक्ष हेमन्त कुमार यादव नेपाली काँग्रेसका नेता राम सुन्दर चौधरी लगायत सय भन्दा बढी मलामीहरु दाह संस्कारमा सहभागी भएका थिए । 

कुशवाहा समाजका मात्रै नभएर लहानका एक विद्वत हस्ती विश्वनाथ महतो रहनु भएकोले आज लहानका हरेक दल र हरेक समुदाय जनप्रतिनिधि र पत्रकारहरु दाह संस्कारमा सहभागी भएर उहाँप्रति मरणोपरान्त हार्दिक श्रद्धाञ्जली दिएकाथिए ।