मैथिली साहित्य गोष्ठी प्रत्येक महिना हुने

जीवछ उदासी 

लहान,पुस १ गते । मैथिली साहित्य परिषद् सिरहाले प्रत्येक महिनाको अन्तिम शनिबार मैथिली कवि गोष्ठी गर्ने भएको छ । 

परिषदका संयोजक राम रिझन यादवलाई अनुसार सिरहामा स्थानीय मातृभाषा मैथिलीको विकासको लागि साहित्य परिषदले यस्तो निर्णय गरेको हो । मंसिर महिनाको अन्तिम शनिबार सिरहा पुस्तकालयमा कवि गोष्ठी सम्पन्न भएको उहाँले भन्दै पुस महिनाको अन्तिम शनिबार पुस २८ गते जेभिएम स्कूल गोलबजारमा हुने जानकारी दिनुभयो । 

मैथिली साहित्य परिषद् सिरहाले विधान दार्ता गराइ तैमासिक साहित्यिक पत्रिका समेत प्रकाशित गर्ने संयोजक यादवले बताउनुभयो । धनुषा र सप्तरीको तुलनामा मैथिली गतितिवि सिरहामा कम भइरहेको महसुस गरी सिरहाका मैथिली साहित्यकारहरु सक्रिय भएका साहित्य परिषदका अर्का सदस्य अनुरुद्र ठाकुरले तर्क गर्नुभयो

।