सातपटकसम्म चुनिए वडा सदस्यमा लाल मोहम्मद

 

जीवछ उदासी 

माघ २१ गते । 

देशैभरीमा सात पटक वडा सदस्यमा निर्वाचित भएकाहरुको संख्या थोरै होला । त्यसमध्ये लहान वडा नम्बर -२ को वडा सदस्यमा सात पटक निर्वाचित हुने ६७ वर्षिय लाल मोहम्मद हुनुहुन्छ । 

चारपटक पञ्चायत व्यवस्थामा तीन पटक प्रजातन्त्र वहाली भएपछि वडा सदस्य हुनु भएको लाल मोहम्मद भन्नुहुन्छ,'तीन दशकभन्दा बढी वडा सदस्य भए । लहान नगरपालिकाको हाल २४ वटै वडाहरुमध्ये सानो वडा रहेको यस वडाको शिक्षा सरसफाई सामाजिक जागरणको काम पुरा हुन नसकेकोमा थोरै पीडा महसुस भइरहेको छ ।' 

पञ्चायतकालमा गणपति महतोसँग तीनपटक राजा ज्ञानेन्द्रले गराएको स्थानीय चुनावमा आमोला महतोसँग एकपटक प्रजातन्त्र आएपछि तीनपटक वडा सदस्य हुँदा एक पटक देवनाथ यादव एक पटक विहारी यादवसँग दुईपटक सियाराम यादवसँग वडा सदस्य महतो भएको अनुभव सुनाउँदै भन्नुभयो,' सबैभन्दा सहज वडाध्यक्ष सियाराम यादवसँग लागेको छ । यहि पालामा वडाको सम्पूर्ण विकास होस् भन्ने धोको छ । वडामा रहेको श्री जनता आधारभूत विद्यालयको सुधार स्वास्थ्य चौकीको अधुरा निर्माण र गलीगलीमा ढलान दलित बस्ती निर्माण भइ दिए हुन्थ्यो ।' 

१०५ घरधुरी रहेको मुस्लिम समुदाय चार सयको हाराहारीमा मतदाता रहेपनि यस वडामा दलित र मुस्लिम समुदाय वडाध्यक्ष हुने संभावना न्यून छ । अहिलेसम्म वडाध्यक्ष यादव र महतो समुदाय मात्रै वडाध्यक्ष भएको उहाँले बताउनुभयो ।