जीवछ उदासी
लहान,फागुन ७ गते ।
लहान नगरपालिका उपप्रमुख राम चलितर महतोले सामुदायिक र संस्थागत विद्यालयका राम्रो अभ्यास आदान प्रदान गरेर लहानको शैक्षिक अवस्था सुधार गर्नुपर्ने बताउनु भएको छ ।
लहान एभरेष्ट कलेज /विद्यालयको २४ औ वार्षिकोत्सव तथा अभिभावक दिवसको अवसरमा आयोजित सांस्कृतिक एवं पुरस्कार वितरण समारोहलाई प्रमुख अतिथिको रुपमा सम्बोधन गर्दै यस्तो बताउनु भएको हो ।
लहान नगरपालिकामा रहेका सामुदायिक विद्यालय र संस्थागत विद्यालयका राम्रो अभ्यास हरुलाई आदान प्रदान गर्ने माहोल बनाउन आवश्यक रहेको उहाँले बताउनुभयो । उपप्रमुख महतोले भन्नुभयो,''अनुगमन र अनुभवको आधारमा दुई वर्षमा आफूले पाएको छु । यस अनुभवलाई व्यवहारिक रुप दिन लाग्नेछौ ।''
कार्यक्रममा अभिभावकको तर्फबाट पूर्व उद्योग राज्यमन्त्री पद्म नारायण चौधरी गङगाराम यादव र पत्रकारहरुको तर्फबाट नेपाल पत्रकार महासंघ सिरहा शाखाका अध्यक्ष मनोज बनैता यादवले एभरेष्ट क्लेजले लहानको शैक्षिक उन्नयनमा एभरेष्ट क्लेजले अहम भूमिका खेलेको चर्चा गर्नुभयो ।
अभिभावक दिवसको अवसरमा त्यस कलेजमा पढाउनु हुने नेपाली विषयका प्रध्याकहरु भैरव प्रसाद गेलाल,दिप नारायण साह, कमर्शका शोभा रौनियार शिक्षिकाहरु मनिषा चौधरी कबिता खडका पुनम यादव र प्रशासन शाखाका ललित महतोलाई दोसल्ला ओढाएर सम्मानित गरिएको थियो ।
यसैगरी लहान-१० का डा अमर गुप्ताले सानो र हलुको गोजीमा राख्न सक्ने एक्सरे अविष्कार गरेर देशको मान शान बढाउने काम गरेकोले डा अमर गुप्ताको पिता अर्जून प्रसाद गुप्तालाई सम्मेत दोसल्ला ओढाएर सम्मानित गरेका थिए । बीचबीचमा विधार्थीहरुले विविध सांस्कृतिक कार्यक्रम अन्तर्गत गीत नृत्यबाट मनोरञ्जन प्रदान गरेका थिए ।
सुचना तथा प्रसारण विभाग: N/A
Copyright © 2020 / 2024 - Samriddhipath.com All rights reserved
प्रेस काउन्सिल नेपाल: : N/A