फिरोज सिद्दिकी
लहान । सिरहाको लहान-५ स्थित रहेको अल अमीन नेशनल एकेडेमीमा उत्कृष्टता हाँसिल गर्ने विद्यार्थी तथा शिक्षकहरुलाई पुरस्कृत गरिएको छ । शैक्षिकसत्र २०७९/०८० को अन्तिम परीक्षाको नतिजा प्रकाशन गर्दै कक्षा नर्सरीदेखि कक्षा ६ सम्मका उत्कृष्ट हुन सफल विद्यार्थीहरुलाई शनिबार विद्यालयको प्राङ्गणमा आयोजित समारोहमा साईकल र शैक्षिक सामग्रीद्वारा पुरस्कृत गरिएको हो ।
उत्कृष्ट अंक ल्याउने विद्यार्थीहरुलाई एकेडेमीका संस्थापकद्वय मौलाना मुफ्ती अहमद रजा सकाफी र मो. सद्दाम हुसैनले साईकल तथा शैक्षिक सामग्री वितरण गरेको छ ।
त्यसैगरी विद्यार्थीको अतिरिक्त क्रियाकला तथा शिक्षण सिकाईमा राम्रो अंक ल्याउने उत्कृष्ट शिक्षहरुलाई मोवाईल फोन र नगर वितरण गरेको जनाइएको छ ।
विद्यालयका संस्थापक तथा प्रधानाध्यापक मौलाना सकाफिले योग्य, सक्षम, इमान्दार नागरिक तयार गर्नु विद्यालयको उद्देश्य रहेको बताउनु भयो । पुरस्कार वितरणले विद्यार्थीहरुमा मिहेनत गरेपछि प्रतिफल प्राप्त हुन्छ भन्ने भावनाको विकास गराउने उहाँले बताउनु भयो ।
पुरस्कार वितरण समारोहका प्रमुख अतिथि लहान ५ का पूर्व वडाध्यक्ष सुलेमान मियाँ अन्सारीले विद्यार्थीहरुलाई पुरस्कृत गर्दै अलअमिन एकेडेमीले शिक्षासंगै अतिरिक्त क्रियाकलापमा पनि ध्यान दिनु पर्ने बताउनु भयो । निजी विद्यालयहरुले विद्यार्थीभित्रका प्रतिभाहरुको प्रस्फुटन गर्दै जानुपर्नेमा जोड दिनु भयो । उहाँले विद्यालय आगामी दिनमा थप सफलता हाँसिल गर्ने शुभेच्क्षा प्रकट गर्नुभयो ।
कार्यक्रममा लहान १८ का वडाध्यक्ष मो. समशेर, दारुल ओलुम हनफिया असरफिया लहान-५ का मौलाना हाफिज अताउर रहमान, मदरसा मदिनतुल ओलूमका मौलाना हनान बरकाती, मौलाना अब्दुल खालिक, लहान २ का मौलाना मुस्ताक अहमद, समृद्धिपथ दैनिकका सम्पादक फिरोज सिद्दिकी, रेडियो सरगमका संचालक फिरोज शेखलगायतका विद्यार्थी तथा अविभावकहरुको उपस्थिति रहेको थियो ।
सुचना तथा प्रसारण विभाग: N/A
Copyright © 2020 / 2024 - Samriddhipath.com All rights reserved
प्रेस काउन्सिल नेपाल: : N/A