बम पड्काएर लहानमा लुटपाट

  • जेठ २, २०८१
  • समृद्धिपथ
alt

 

२०८१ जेठ ०१, मङ्गलबार

लहान । सिराहाको लहानमा सुतली बम पड्काएर चार वटा घरमा लुटपाट भएको छ । सोमबार राति १२ बजे अपरिचित समूहले लहान १७ हरिपुरमा सुतली बम पड्काएर चार घरमा लुटपाट गरेको सिराहा प्रहरीले जानकारी दिएको छ ।

लहान नगरपालिका –१७ हरिपुरमा हतियारधारी समूहले हरिचोकमा तर्साउनको लागि बम पड्काएर चार घरमा लुटपाट गरेको सिराहा एसपी रमेश पण्डितले बताए ।

उनका अनुसार अनुसार चार घरबाट करिब ४ लाख रुपैयाँ लुटपाट गरिएको छ । प्रहरीका अनुसार स्थानीय रामनारायण ठाकुर, रामप्रसाद यादव, महावीर साह र हरि यादवको घरबाट लुटपाट भएको हो ।

अपरिचित लुटेरा समूहले चार वटै घरबाट नगद र सुनचाँदीका गरगहना र अन्य सामान लुटेर भागेको पीडितहरूले प्रहरीमा बयान दिएका छन् ।

हतियारधारी समूह भारतीय रहेको प्रहरीले जनाएको छ । घटनापश्चात् लुटेरा समूहको खोजीमा तीव्रता दिइएको प्रहरीले जनाएको छ ।

लुटपाट गर्न पड्काइएको बमको छर्रा लागेर ५ जना घाइते भएको प्रहरीले जानकारी दिएको छ । घाइतेहरूको लहान प्रादेशिक अस्पतालमा उपचार भइरहेको एसपी पण्डितले जनाए ।

कांग्रेस–एमालेको सरक ...

काठमाडौँ । समाजवादी मोर्चाले कांग्रेस–एमाले गठबन् ...

कीर्तिपुर मैदान सुवि ...

काठमाडौं । प्रधानमन्त्री केपी शर्मा ओलीले कीर्तिपुर क्र ...

दलित नागरिक समाज सञ् ...

निर्मला दाहाल मिर्चैया । मधेश प्रदेशका दलित नागरिक समा ...

लायन्स क्लवद्वारा वि ...

  जीवछ उदासी  लहान,असार २७ गते ।  लाय ...

सुचना तथा प्रसारण विभाग: N/A

Copyright © 2020 / 2024 - Samriddhipath.com All rights reserved

प्रेस काउन्सिल नेपाल: : N/A