विधार्थीसँग मेयर कार्यक्रम सुरु

जीवछ उदासी 

लहान,भदौ १३ गते ।

लहान सिटी जेसिसको आयोजनामा विधार्थीसँग मेयर कार्यक्रमको सुरुवात गरेको छ । कार्यक्रमको सुरुवात लहान-१९ स्थित श्री जनता माध्यमिक विद्यालय सोनमति मझौराबाट सुरु गर्नु भएको हो । 

कार्यक्रममा नगरप्रमुख विधार्थीहरुले राखेका समस्या नगरप्रमुखले सुन्नु भएको थियो । बिधार्थीले राखेका समस्या सुनेर नगरप्रमुख चौधरीले भौतिक पक्षलाई व्यवस्थित र शैक्षिक पक्षकलाई उत्कृष्ट बनाउन लहान नगरपालिकाले शिक्षालाई प्राथमिकतामा राखेर अघि बढिरहेको बताउनुभयो । एक कक्षा एक शिक्षक एक विद्यालय एक कम्प्युटर ल्याव कार्यक्रम ल्याएर अघि बढिरहेको नगरप्रमुख चौधरीले भन्दै लहान सिटि जेसिसले आयोजना गरेको नगरप्रमुखसँग विधार्थी कार्यक्रमबाट विधार्थीहरुको चाहना बुझ्न सक्ने प्रष्टयाउनुभयो । 

कार्यक्रम लहान सिटि जेसिका अध्यक्ष उमेश यादवको अध्यक्षतामा सम्पन्न कार्यक्रममा विद्यालयका प्रधानाध्यापक अरबिन्द दास,लहान सिटि जेसिका पूर्व अध्यक्षहरु शङकर प्रसाद गुप्ता र राकेश झाको उपस्थिति रहेको थियो ।