अत्यधिक गर्मीका कारण लक्ष्मीपुरपतारीका विद्यालयहरू बन्द

फिरोज सिद्दिकी

लहान । लक्ष्मीपुर पतारी गाउँपालिकामा अत्यधिक गर्मीका कारण २०८१ असोज ८ गतेदेखि ११ गतेसम्म सम्पूणर् सामुदायिक विद्यालयहरू बन्द गरिने भएको छ।

गाउँपालिकाले जारी गरेको सूचनामा अत्यधिक गर्मीका कारण बालबालिकाहरूको स्वास्थ्यमा पर्न सक्ने असरलाई ध्यानमा राख्दै विद्यालयहरूमा अस्थायी बिदा दिन निणर्य गरिएको हो।

गाउँपालिकाको सूचनामा बिदा अवधिमा विद्यालयको प्रशासनिक कार्यहरू भने प्रभावित नहुने उल्लेख गरिएको छ। यो बिदा स्थानीय बिदाबाट कट्टा गरिने र बालबालिकाहरूको शिक्षण सिकाइ क्रियाकलापमा नकारात्मक प्रभाव नपरोस् भन्नका लागि गरिएको जनाइएको छ।

अत्यधिक गर्मीको कारण बालबालिकाको स्वास्थ्यमा असर परेपछि यस्तो निणर्य लिनु परेको गाउँपालिकाले स्पष्ट पारेको छ।