विद्यालयमा स्वच्छता सम्बन्धी कार्यक्रम सुरु

 

जीवछ उदासी 

लहान, असोज १३ गते । 

लहान नगरपालिकाको चार वटा सामुदायिक विद्यालयहरुमा विद्यालयमा स्वच्छता सम्बन्धी व्यवहार परिवर्तन कार्यक्रम सुरु भएको छ । 

यस वर्ष श्री जनता माध्यमिक विद्यालय बैरिया गुदीगाउँ लहान -१० श्री जनता माध्यमिक विद्यालय पिडरबोनी लहन -११श्री आधारभूत त विद्यालय कल्याणदह लहान -२२ र श्री जनता आधारभूत विद्यालय लहान मटियर्वा लहान-१ मा सुरु भएको सामाजिक परिवर्तन कर्ता राजकुमारी पासवानले जसनकारी दिनुभयो । यहि कार्यक्रम आठ वटा सामुदायिक विद्यालयहरुमा सम्पन्न भैसकेको छ । 

यस वर्ष ४३ जना शिक्षक शिक्षिकाहरुलाई तीन दिइने तालिम दिएर छ महिनामा विद्यालयका प्रत्येक शिक्षिकाले स्वच्छता व्यवहार परिवर्तन सम्बन्धी ४५ मिनेटको छ वटा सेसन छ महिनामा गर्नुपर्ने सामाजिक परिचालिका नम्रता भट्टले जानकारी दिनुभयो । 

यस कार्यक्रमबाट बिधारथीहरुले स्वच्छता सम्बनधी शुद्ध पानी पिउने,शौचालय प्रयोग साबुन पानीले हात धुने,खाद्य स्वच्छता विद्यालयमा फोहोर व्यवस्थापन र विद्यालयमा महिनाबसरी व्यवस्थापन सम्बन्धी विधार्थीहरुलाई ज्ञान सिप सिकाउनु पर्ने श्री ज मावि बैरिया गुदीगाउँ लहान -१० का फोकल शिक्षक सुशिल साहले जानकारी दिनुभयो । सरसफाइ खसनेपानी तथा स्वच्छता सम्बन्धी कार्यक्रम बाटर एडको सहयोग विकन परियोजना अन्तर्गत दलित जन कल्याणको पहलमा चलि रहेको छ ।