साझको अर्घ दिदै छठ पूजा गर्दै व्रतालुहरु

जीवछ उदासी 

लहान,कातिक २२ गते । 

सामाजिक सदभाव र एकताको पर्व छठको सुर्य अस्ताउने बेलाको अर्घ दिन श्रद्धालु भक्तजनहरु पोखरी नदी ताल तलाउमा सुर्यको प्रार्थना गरिरहेका छन् । 

३६ घण्टा उपवास बसेर मनाइने छठ पर्व मधेशको सांस्कृतिक पर्व सम्पन्न विपन्न सबैको एउटै छठको घाट हुने भएकोले यो पर्वले सामाजिक सदभाव र एकतालाई मजबुत बनाएको लहान स्थित जेएस मुरारका बहुमुखी क्याम्पसका पुर्व क्यामपस प्रमुख डा अनिल कुमार झाले बताउनुभयो । 

छठ पर्वको महिमा विस्तार हुँदै गइरहेको लहान खुटीखोला छठ पुजा समितिको अध्यक्ष समाजसेवी नविन गुप्ताको बुझाइ छ । उहाँ भन्नुहुन्छ,'लहान नगरपालिकाले यस वर्ष सात लाख रकम छठघाट सजाउन दिएको छ । यस पर्वलाई आउने वर्षदेखि अझै भव्य बनाउने सोचमा छौ । यता लहान-३ स्थित रघुनाथपुर पोखरी - ३ मा यस वर्ष २१४ वटा घाट निर्माण गरेर छठ पर्व मनाइ रहेको छ । लहान-४ को छठ घाट पनि दुलही जस्तो सजाइएको लहान- ४ का वडाध्यक्षका प्रत्यासी मनोज कुमार सहनीले बताउनुभयो । सिरहाको बलान,खुटी,गाउन,घुर्मी र कमला नदीकोसाथै हरेक गाउँमा रहेको पोखरीमा छठ मनाउँदै आइरहेको छ ।