नेपाल पत्रकार महासङघलाई एक गोलले जित

जीवछ उदासी
लहान समाचारदाता
लहान,मङ्सिर २० गते ।

लहान सिटि जेसिस र नेपाल पत्रकार महासङघ सिरहा शाखाले विकृति र कुलतमा लागेका युवाहरुलाई सहि बाटोमा ल्याउन खेलेको मैत्रीपुर्ण फुटवल खेलमा पत्रकारको समूह जीत हासिल गरेको छ ।

लहान नगरपालिका –१० मा रहेको खेल मैदानमा बुधबार विहान सम्पन्न खेलमा नेपाल पत्रकार महासङघ सिरहाका समूहले दुई गोलको विरुद्ध तीन गोल गरेर जित निकालेको हो ।

नेपाल पत्रकार महासङघ तर्फबाट पत्रकारहरु लालविहारी यादव,विरेन्द्र विरु यादव र अनुभक्त चौधरीले एक एक गोल गरेर जीत हासिल गरेको थियो । लहान सिटी जेसिसको तर्फबाट शम्भु चौधरी र नित्यानन्द साहले एक एक गोल गरेर जवाफी प्रहार गरेको थियो ।

मैत्रीपुर्ण खेलको माध्यमबाट लागु औषध दुव्यर्सनीमा लागेका युवाहरुलाई सहि बाटोमा ल्याउन खेलकुुद आवश्यक माध्यम भएकोले यो खेल खेलिएको नेपाल पत्रकार महासङघ सिरहाका अध्यक्ष मनोज कुमार बनैता र लहान सिटि जेसिसका अध्यक्ष उमेश कुमार यादवले बताउनुभयो । उहँहरुले संयुक्त रुपमा खेलको उदघाट्न गर्दै यसको साकारात्मक सन्देस प्रभाव दिन मैत्रीपुर्ण खेल खेलिएको भन्दै लहान सिटि जेसिस र नेपाल पत्रकार महासङघ मिलेर जन चेतना जगाउने अन्य कार्यक्रमहरु समेत गरिने प्रतिवद्धता व्यक्त गर्नुभयो ।

यता लहान नगरपालिकाले लहानका २४ वटा वडाका ५० जना युवाहरुलाई फुटवल खेलको अभ्यास थालेर फगुनमा तेस्रो मेयर गोल्डकपको लागि समेत तयारी भइरहेको फुटवल खेल प्रशिक्षक श्याम कुमार सिंहले जानकारी दिनुभयो । लहान सिटी जेसिसले थालेको सप्ता व्यापी विविध कार्यक्रम अन्तर्गत मैत्रीपुर्ण खेलकुद प्रतियोगिा गरेर राम्रो सन्देस दिएकोमा लहान नगरपालिकाका तर्फबाट नगरप्रमुख महेश प्रसाद चौधरीले धन्यवाद ज्ञापन गर्नु भएको थियो ।