प्रेस सेन्टर सिरहाको पाँचौ जिल्ला अधिवेशन सम्पन्न अध्यक्षमा रामभरोसी यादव

 

जीवछ उदासी 

लहान पुस २३ गते । 

 प्रेस सेन्टर सिरहाको पाँचौ जिल्ला अधिवेशनबाट राम भरोसी यादवको अध्यक्षतामा जिल्ला कार्य समिति,केन्द्रिय प्रतिनिधि र प्रदेश प्रतिनिधि चयन गरेर सम्पन्न भएको छ । 

गोलबजारको व्यापारसंघमा सम्पन्न पाँचौ अधिवेशनबाट उपाध्यक्षद्वयमा मुकेश कुमार यादव,सन्तोष कुमार साह,सचिवमा सुदिप राउत,सह सचिवद्वयमा सुरेश राय,आशानन्द यादव, कोषाध्यक्षमा नैना चौधरी सदस्यहरुमा क्रमश: अनुभक्त चौधरी,मोहन साह,विवेक परियार ज्ञान राय र सुनिल साह चयन भएका छन् । 

यसैगरी प्रदेश प्रतिनिधिमा जीवछ उदासी,राम भरोसी कामती र राम नारायण ठाकुर चुनिएका छन् भने केन्द्रिय प्रतिनिधिमा चन्द्रदेव कामती र आशे विश्वकर्मा चयन हुनु भएका छन् । 

उप महासचिव हिरालाल चौधरीको प्रमुख आतिथ्यमा सम्पन्न पाँचौ अधिवेशनमा केन्द्रिय अनुशासन विभागका सदस्य देव कुमार यादव र प्रचार प्रसार विभागका सदस्य चन्द्रदेव काम्तीको उपस्थिति रहेको थियो ।