चैत ३ गतेदेखि मिर्चैया नपाबाट राष्ट्रिय परिचय पत्र वितरण हुने

 

जीवछ उदासी 

लहान,फागुन २७ गते 

सिरहाको मिर्चैया,कर्जन्हा र कल्याणपुर नगरपालिकाको राष्ट्रिय परिचय पत्र चेत ३ गतेबाट वितरण हुने मिर्चैया नगरपालिकाले जनाएको छ । 

फागुन २१ गते बुधबार राष्ट्रिय परिचय पत्र विभाग र मिर्चैया नगरपालिकाबीच सहमति भएर परिचय पत्र बनाउने कार्य हुन लागेको मिर्चैया नगरप्रमुख श्रवण कुमार यादवले जानकारी दिनुभयो । सम्झौतामा राष्ट्रिय परिचय पत्र तथा पंजिकरण विभागको महानिर्देशक युवराज कटेल र नगरप्रमुख यादवले हस्ताक्षर गरेपछि चैत ३ गतेदेखि सुरु गर्न थालिएको हो । 

आठ महिनादेखि रोकिएको परिचय पत्र बनाउन आवश्यक कर्मचारी र प्रविधि व्यवस्थापनमा देखिएको समस्या समाधान गर्न ११ बुँदे सहमति समेत भएर राष्ट्रिय परिचय पत्र बनाउने कार्य अघि बढ्न लागेकोले आउन लागेको मौकाको फाइदा लिन तीनै पालिकाको स्थानीयहरुसँग प्रमुख यादवले आग्रह गर्नुभयो ।