नेराशिको लहान नगर अध्यक्षमा बद्री नारायण चौधरी

 

जीवछ उदासी 

लहान,चैत २५ गते 

नेपाल राष्ट्रिय शिक्षक संगठन लहानको तेस्रो नगर अधिवेशनबाट अध्यक्षमा बद्री नारायण चौधरी सर्वसम्मत रुपमा चयन हुनु भएको छ । 

यससैगरी महिला उपाध्यक्षमा कुसुम साहसचिवमा श्रीदेव यादव, कोषाध्यक्षमा जीवछ महतो सह कोषाध्यक्षमा संसा कुमारी चौधरी सदस्यहरुमा हरिनाथ यादव,राजेश कुमार चौधरी,पुनम कुमारी यादव,ललिता चौधरी कौशल किशोर मिश्र र प्रमोद कुमार यादव चयन भएको निर्वाचन मण्डलको अध्यक्ष तथा नेपाल राष्ट्रिय शिक्षक संगठन सिरहाका अध्यक्ष राम सेवक यादवले जानकारी दिनुभयो । 

नेपाल राष्ट्रिय शिक्षक संगठन लहान नगर कमिटिमा पुर्व अध्यक्ष जीवछ यादवको समूहले सदस्यता वितरणको थैली अध्यक्ष जागेश्वर यादवले नदिएकोले अधिवेशनमा भाग नलिएको बताउनुभयो । 

लहानमा राष्ट्रिय शिक्षक संगठनमा उत्पन्न विवाद मिलाउन गरिएको प्रयास असफल भएको कारण लहानमा संगठन कमजोर भइरहेको जिल्ला उपाध्यक्ष विरेन्द्र कुमार यादवले बताउनुभयो । 

संगठनभित्र एकता गर्न आफूले कुनैपनि कसरत बाँकी नराखेको वर्तमान अध्यक्ष जागेश्वर यादवले भन्दै सदस्यता वितरण गर्ने अधिकार अध्यक्षमा सिमित रहेकोले अनावश्यक विवाद गरिरहेको बताउनुभयो ।