मृतक सदाय परिवारलाई राहत वितरण

जीवछ उदासी 

लहान,भदौ १८ गते 

लहान-१९ कटहाका मृतक सदाय परिवारको घरमा पुगेर लहान नगरपालिका प्रमुख महेश प्रसाद चौधरीले राहत वितरण गर्नु भएको छ । 

गएको शनिबार भदौ १४ गते विद्युत सिटि रिक्सामा करेन्ट लागेर ४७ वर्षिय चमकलाल सदायको मृत्यु भएको थियो । 

लहान वडा नम्बर -१९ का वडाध्यक्ष मो कमरुदिनले मृतक सदायको मृत्यु भएको जानकारी लहान नगरपालिकामा गराएपछि आज बुधवार १ क्विन्टल चावल ५ किलो दाल ३ किलो नुन र ३ लिटर तेल लिएर मृतक सदायको घर पुगेर राहत वितरण गर्नुभयो । 

राहत ग्रहण गर्दै मृतक सदस्यको पत्नी सावित्री सदस्यले कक्षा १२ उतीर्ण गरेको छोरा कृष्ण सदायलाई नगरपालिकामा रोजगारीमा लगाइ दिन माग गर्नुभयो । 

मृत्युदर्ताको प्रमाणपत्र लिएर लहान नगरपालिकामा आएपछि पाँच हजार नगद र छोरालाई रोजगारी दिइने विषयमा सोच्ने नगरप्रमुख चौधरीले विश्वास दिलाउनुभयो । मृतक सदस्यको एक छोरा र तीन छोरी र पत्नी रहेका छन्