नयाँ वस्तीमा ग्राभेल सडकको माग

 

जीवछ उदासी 

लहान,असार २८ गते 

लहान नगरपालिका वडा नम्वर १ मिलन चोकदेखि पश्चिमको सडक स्तरोन्नति र ग्राभेल नहुँदा सुख्खा मौषममा धुलो खाएका स्थानीयहरु अहिले हिलोमा हिड्न बाध्य भएका छन् । तत्कालै पीच र ढलान गर्न नसकेपनि स्यरीय ग्राभेल गरिदिन स्थानीहरुले माग गरेका छन् । 

बजेट फ्रिज हुन्छ तर स्तरीय ग्रभेल पनि हुँदैन । विकास अनुहार र दल हेरेर होइन,आवश्यकताको आधारमा गरिने घर आँगनको समथानीय सरकारले कहिकतै चुकिरहेको त्यस बस्तीका स्थानीहरको भनाइ छ । स्थानीय ब्रम्हदेव यादव भन्नुहुन्छ," यस पटक सडक बन्ने आगाध विश्वास थियो तर उरायो सपना मुरलीधरले गाएको गीत जस्तै भयो । हाम्रो बस्तीको सडक बनेन ।" 

 त्यस बस्तीका संस्थापक गेनालाल यादवको अनुसार यहि वडाको अरु टोलमा सुन्दर ढलान सडक र नाला निर्माण भैसक्यो तर नहरको दक्षिणतर्फ हिलो र धुलो खाने नियति नै बनेको छ । गाउँमै आएको सिंहदरबारको नजर परेन हाम्रो बस्तीमा । 

यता लहान नगरपालिका प्रमुख महेश प्रसाद चौधरीले पटक पटक यो सडक निर्माणको लागि इन्जिनियरलाई भनेकै हो तर किन बनेन ? अब कहिले बन्ने त्यस बस्तीको स्थानीयहरुको जिज्ञासा मेटेको छैन् ।