नियम र नीति सहित २ अर्बभन्दा बढीको बजेट पारित गर्दै लहान नगरसभा सम्पन्न

जिवछ उदासी

लहान नगरपालिकाले नीति नीयम सहित ६ वटा कानुन सहित छैठौ नगरसभाबाट दुई अर्वभन्दा बढीको बजेट अगामी आर्थिक वर्ष २०७७÷७८ को लागि बजेट पारित गर्दै नगरसभा सम्पन्न भएको छ ।

असार १० गते नियमित रुपमा छैठौ नगरसभामा पेस गरेका भूमि व्यवस्था सम्बन्धी ऐन २०७७,विद्यापति भानुभक्त वचनालय ऐन,२०७७,फोहोर तथा लेदो व्यवस्थापन नीति २०७७, कर्मचारी व्यवस्थापन ऐन २०७७ र लहान नगरपालिकाको आधारभूत तथा माध्यमिक शिक्षा ऐन२०७५(चौथो संशोधन) पारित गरिएको लहान नगरपालिका प्रशासकीय प्रमूख खेमनन्दन भूषालले जानकारी दिनुभयो ।

यसैगरी आगामी आर्थिक वर्षका लागि प्रस्ताविक बजेट चालुतर्फ खर्च रु ८७ करोड ढलाख अर्थात ३७.४० प्रतिशत,र पूँजीगत खर्च रु १ अर्ब ४५ करोड,७६ लाख ५ हजार १९० अर्थात ६२.६० प्रतिशतगरी जम्मा २ अर्ब ३२ करोड८५ लाख,५ हजार १९० पारित गरिएको हो ।

लहान नगरप्रमुख मुनि साह नगरसभालाई सम्बोधनको क्रममा भन्नुभयो,देशकै ठूलो नगरपालिका रहेको लहानको २४ वटै वडाको लागि यो बजेट अन्य गापा र नपाको तुलनामा कम भएपनि लहान नगरपालिकाले भ्याएसम्म शहरी र ग्रामीण भेगको सन्तुलित रुपमा विकास अघि बढाउदै लगेको छ । यस वर्षको बजेटबाट स्ुरु भएको योजनाहरुलाई सम्पन्न गर्न समपूर्ण जनप्रतिनिधिहरु इमानदारीपूर्वक विकास निर्माणको काम गरेर सुन्दर लहान समृद्ध लहानको सपना पूरा गर्न एक पटक फेरि अठोट गरेर लाग्न सबैमा आग्रह गर्नुभयो ।

चुनावमा जनतासँग गरेको ९० प्रतिशत प्रतिवद्धताहरु पुरा गर्नको लागि लहान नगरपालिका लक्ष्यप्राप्तिमा सफल भईरहेको छ । दस प्रतिशत योजनाहरु सफल बनाउन संघ र प्रदेश सरकारको साथ पाउन हामी सबै आफ्नो ठाँउबाट पहल गर्नुपर्ने आग्रह उहाँले गर्नुभयो ।