सप्तरीमा निर्वाचन आचारसंहिता कार्यान्वयन भएन

  • कार्तिक २३, २०७९
  • समृद्धिपथ

सुधा देव 
सप्तरी २३ कात्तिक । सप्तरीमा निर्वाचन आचारसंहिताविपरीत कार्यले सहरलाई कुरुप देखाएको छ । आगामी ४ मंसिरमा हुने प्रतिनिधिसभा र प्रदेशसभा सदस्य निर्वाचनको प्रचारप्रसारमा क्रममा राजनीति दलका नेता कार्यकर्ताले प्रयोग गरेको उम्मेदवारको फोटो, पोष्टर, पम्प्लेटले सप्तरीको विभिन्न सहरलाई कुरुप बनाएको छ । 

चुनाव प्रचारप्रसारमा प्रयोग गरिएका विभिन्न पार्टीका झण्डा, चुनाव चिह्नअंकित पोष्टर, पम्प्लेट र उम्मेदवारहरुको फोटो जथाभावी राख्ने, फ्याल्ने कार्यले जिल्ला नै कुरूप देखिएको स्थानीय रामचन्द्र यादवले बताए । ‘अहिले बजार, हटिया सार्वजनिकस्थल जताततै उम्मेदवारको फोटो, पर्चा पम्प्लेटबाहेक केही देखिँदैन,’ उनले भने गाउँ सहरलाई कुरुप बनाएको छ । फोहोर बढाएको छ ।’ 

निर्वाचन आयोगले १७ कात्तिकदेखि प्रचारप्रसारको समयअवधि १५ दिन तोकेपछि विभिन्न पार्टी तथा उम्मेदवारहरुमा प्रचारप्रसार गर्ने प्रतिस्पर्धा चलेको उनको भनाइ छ ।

सदरमुकाम राजविराजमा पार्टीहरुले आफ्नो चुनाव चिह्नअंकित झण्डा व्यानर जथाभावी टाँगेको राजविराज– २ कि आरती झाले बताइन् । ‘कसले बढी प्रचार सामग्री प्रदर्शन गर्ने भन्ने प्रतिस्पर्धाले  जिल्ला नै कुरुप बनेको छ,’ उनले भनिन्  ।

बालबालिकाको प्रयोग 

चुनावी प्रचारप्रसारमा बालबालिका पनि प्रयोग गरिएको छ । पोष्टर पम्प्लेट टाँस्न अधिकांस उम्मेदवारले बालबालिकाको प्रयोग गर्ने गरेको आरती झाले जानकारी दिइन् ।  

सप्तरीमा निर्वाचन आचारसंहिताविपरीतका कार्य भइरहँदा निर्वाचन आयोग मूकदर्शक बनेर बसेको छ ।  दलहरूले प्रचारप्रसारको नाममा डिजे प्रयोग गर्ने, तोकिएको मापदण्डविपरीत पर्चा पम्प्लेटको तथा बालबालिकाको प्रयोग गर्नेलाई कारबाही गर्नुपर्ने राजविराज–२ कि रूही खातुनले बताइन्  ।

सप्तरीका मुख्य निर्वाचन अधिकृत हेमन्त रावलले निर्वाचन आचारसंहिता उल्लंघनका घटना अन्य जिल्लाको तुलनामा सप्तरीमा कम भएको दाबी गर्छन् । 
उनले तोकिएको मापदण्डविपरीत टाँसिएको र झुण्डिएको प्रचारप्रसार सामाग्री हटाइने प्रतिक्रिया दिए । उनले आयोगले तोकेको मापदण्डविपरीतका कार्य गरेको पाइएमा कारबाहीका लागि निर्वाचन आयोगमा सिफारिस गर्न पछि नपर्ने बताए ।

सप्तरी निर्वाचन–२ मा जसपा अध्यक्ष उपेन्द्र यादव, जनमत पार्टीका अध्यक्ष डा. चन्द्रकान्त राउत (सिके), वाम–लोकतान्त्रिक गठबन्धनबाट जयप्रकाश ठाकुर चुनावी प्रतिस्पर्धामा छन् । - न्युज कारखाना 

यसैगरी प्रदेश (क) बाट एमाले– जसपाका साझा उम्मेदवार मधेश प्रदेशका अर्थमन्त्री शैलेन्द्र प्रसाद साह, वाम लोकतान्त्रिक गठबन्धनबाट सरोज मण्डल र जनमत पार्टीबाट सतिश कुमार सिंह प्रतिस्पर्धामा छन् ।

यस्तै प्रदेश (ख) मा वाम लोकतान्त्रिक गठबन्धनबाट पूर्वसिँचाई मन्त्री उमेशकुमार यादव, जसपाबाट लक्ष्मण यादव, जनमत पार्टीबाट पूर्व संविधानसभा सदस्य महेश प्रसाद यादव चुनावी मैदानमा रहेको यो क्षेत्र मतदाता र जिल्लाकै लागि मुख्य आकर्षकको केन्द्र बनेको छ ।

कर्जन्हा नगरपालिकाका ...

सिरहा, १४ गते बुधबार । सिराहाको कर्जन्हा नगरपालिकाका तत ...

प्रेस चौतारी नेपाल स ...

फिरोज सिद्दिकी लहान, फागुन ११ गते । प्रेस चौतारी नेपाल ...

कलावञ्जर मुसहर समुदा ...

  जीवछ उदासी  लहान,चैत ५ गते ।  लहान ...

सुचना तथा प्रसारण विभाग: N/A

Copyright © 2020 / 2024 - Samriddhipath.com All rights reserved

प्रेस काउन्सिल नेपाल: : N/A