जीवछ उदासी
लहान,चैत १९ गते । लहान नगरपालिका-७ मा निर्माण भएको विद्यापति भानुभक्त वाचनालय पुर्व नगरप्रमुख मुनि साहले उद्घाटन गर्नु भएको भवन फेरि उद्घाटनको लागि तयारी भइरहेको छ ।
२०७८ चैत २१ गते नगरप्रमुख मुनि साहले भवनको उद्घाटन गर्नु भएको थियो । उद्घाटन भएको भवनको पुन: चैत २६ गते नगरप्रमुख महेश प्रसाद चौधरीले उद्घाटन गर्नु हुने तयारी भइरहेको लहान-७ को वडाध्यक्ष राम औतार शर्माले बताउनुभयो ।
पुरानो भानुभक्त वाचनालय लहानको लागि शिक्षा चेतना र परिवर्तनको लागि महत्पूर्ण भूमिका खेलेकोले यसलाई धार्मिक सांस्कृतिक शैक्षिक जागरणको लागि मैथली भाषाको महाकवि विद्यापतिको नाम समेत जोडेर विद्यापति भानुभक्त वाचनालय निर्माण गरी गत २०७८ चैत २१ मा उद्घाटन गरि सकेको पुर्व नगरप्रमुख मुनि साहले भन्दै पुन: उद्घाटन गर्नु कमजोरी मात्रै होइन,यो सामाजिक अपराधीकरण भएको आरोप लगाउनुभयो ।
पुर्व नगरप्रमुख साहले भन्नुभयो,' लहान -१ मा निर्माण भएको सलहेस दिनाभद्री कम्पलेक्स भवनको नाम बदलेर सिंग्राही मटियर्वा राख्नु पनि पासवान समुदायको इष्ट देउता सलहेस र मुसहर समुदायको इष्ट देउता दिनाभद्रीप्रति मजाक गरेर लहानको सामाजिक सदभाव समेत खलबलाउन र पहिचान स्वीकार गर्न वर्तमान नगरप्रमुख महेश प्रसाद चौधरी स्वीकार गर्न नभएको प्रष्ट भयो ।'
लहान -७ मा रहेको पुरानो नगरपालिकामा १५ लाख मूल्य बराबरको कावाडी फालामहरु कुनै लिलामी प्रक्रिया पुरा नगरी बिक्री गरेर वडाध्यक्ष राम औतार शर्माले नीतिगत भ्रष्टाचार गरेको लहान -७ का पुर्व वडाध्यक्ष राकेश कुमार गुप्ताले पत्रकार सम्मेलन गरी जानकारी दिनुभयो ।
भ्रष्टाचार गर्दिनँ भ्रष्टाचार गरेको सुन्दिनँ प्रतिवद्धता गर्नु भएको नगरप्रमुख चौधरीले वडा अध्यक्ष शर्मालाई कार्वाही गरेर देखाउनुपर्ने पुर्व वडाध्यक्ष गुप्ताले माग गर्नुभयो ।
सुचना तथा प्रसारण विभाग: N/A
Copyright © 2020 / 2024 - Samriddhipath.com All rights reserved
प्रेस काउन्सिल नेपाल: : N/A