फिरोज सिद्दिकी,
लहान । लहानमा बढदै गएको भ्रष्टाचार र अन्यय अत्याचारको विरुद्धमा नेकपा एमाले लहानले विरोध प्रदर्शन गरेका छन् ।
शुक्रबार लहान ७ स्थित रहेको विद्यापति भानुभक्त बाचनालयको दोहोरो उद्घाटनका क्रममा लहानका मेयर महेश प्रसाद चौधरीले अनैतिक कार्य गरेको भन्दै विरोध प्रदर्शन गरेका हुन् ।
विद्यापति भानुभक्त वाचनालयलाई पुर्व मेयर मुनि साहले २०७८ चैत २१ गतेनै उद्घाटन गर्नु भएको भवन फेरि उद्घाटन गरेर ठोलै रकम भ्रष्टाचार गरेको स्थानीयहरुले आरोप लगाएका छन्।
नेकपा एमाले लहान कमिटि इन्चार्ज राजेन्द्र प्रसाद साहले लहान नगरपालिका मेयर चौधरीको जिमदारी होइन यहाँ उसको हैकम नचल्ने चुनौती दिदै मेयरलाई राजनीतिक शक्ति र सिद्धान्तको ज्ञान छ भने प्रतिपक्षसंग सहकार्य गरेर अघि बढ्न सुझाव दिनु भयो ।
उहाँले मेयर चौधरीको एक वर्षे कार्यकालमा गरेको भ्रष्टाचार र अनैतिक क्रियाकलापको विरोध गर्दै अब उपरान्त यस्तो गरेमा नगरको जनता चुप लागेन नबस्ने घोषणा गर्नु भयो ।
पूर्व मेयर मुनि साहले आफ्नो पालामा नगरपालिका-१ साबिकको तरकारी बजारमा सलहेश दिनाभर्दी सपिङ कम्प्लेक्स निर्माण, लहान नगरपालिका-७ मा विद्यापति भानुभक्त वाचनालय निर्माण, खुट्टी खोला सिँचाइ नहर निर्माण, लहान बजारमा घन्टाघर निर्माण, नगर विकास सहरी योजना अन्तर्गत पहिलो फेजको काम सम्पन्न र दोस्रो फेजको कार्यको सुरुवात, नगरबस सञ्चालन, विभिन्न पार्कहरुको निर्माण, चक्रपथ निर्माण कार्यको शिलान्यास, लहान बजारमा मल्टिमिडिया सूचना पाटी जडान र किसानलाई विद्युत् महसुलमा सहुलियत दिएको थियो । तर त्यस्ता सामाजिक हितका कार्यलाई वर्तमान मेयर चौधरीले राजनीतिक प्रतिसोध गरेर सामाजिक अपराध गरेको आरोप लगाउनु भयो ।
सुचना तथा प्रसारण विभाग: N/A
Copyright © 2020 / 2024 - Samriddhipath.com All rights reserved
प्रेस काउन्सिल नेपाल: : N/A