माओबादी अभियानको क्रममा 'रक्तदान'

 

जीवछ उदासी 

घरघरमा माओवादी जनजनमा माओवादी विशेष रुपान्तरण कार्यक्रम अन्तर्गत नेकपा माओवादी लहान नगरकमिटिको आयोजनामा रक्तदान कार्यक्रम सम्पन्न भएको छ ।

कार्यक्रमको प्रमुख अतिथि नेकपा माओवादी केन्द्रका केन्द्रिय सदस्य विशेष रुपन्तरण कार्यक्रमका विशेष जिम्मेवारी लिएर अभियानको संयोजक अमर मण्डलले माओवादी जनताको एजेन्डा मुद्दा लिएर अघि बढ्ने बताउनुभयो । नेता मण्डलले भन्नुभयो,'माओवादी सकिने कि सप्रिने मोडमा पुगेकोले शुन्यताबाट फेरि उठन अभियान मार्फत अघि बढेका छौ । माओवादी कमजोर भए गरीव दलित उत्पीडित जनताको अधिकार पुरा हुने छैन ।

 आइतबार विहान सम्पन्न रक्तदान कार्यक्रममा ६० जना सहभागिता जनाएको लहान नगरकमिटि अध्यक्ष हेमन्त कुमार यादवले जानकारी दिनुभयो । रक्तदान कार्यक्रममा वाइसियल जिल्ला अध्यक्ष विवेक परियार,प्रदेश कमिटि सदस्य सुरेन्द्र साह,जिल्ला कमिटि सदस्य सुधा यादव,जिल्ला कमिटि सदस्य देव नारायण महतो,गणेश चौधरी र विजय गुप्ता लगायतका नेताहरुले समेत रक्तदान गरेका थिए ।