जीवछ उदासी
नेपाली काँग्रेसको नगरसभापति चयनको लागि सम्पन्न निर्वाचनबाट युवा नेता सञ्जय यादव निर्वाचित हुनु भएको छ ।
निर्वाचित यादव १५२ मत ल्याएर निर्वाचित हुनु भएको हो भने उहाँलाई १४० मत ल्याएर शितल प्रसाद चौधरीले पछ्याउनु भएको छ । फूलेश्वर महतोले ७३ मत ल्याउनु भएको हो । बाँकी मत बदर भएको छ । जम्मा ३७३ मत खसेको थियो ।
नेपाली काँग्रेस नगर सभापति २०७९ को स्थानीय निर्वाचनमा नगरसभापति रासलाल राय पार्टी परित्याग गरी जनता समाजवादी पार्टीमा प्रवेश गरेर २४ नम्बर वडाको वडाध्यक्षको उम्मेदबार भएर निर्वाचित हुनुभयो । स्थानीय निर्वाचनदेखि खाली रहेको नगर सभापतिको लागि आज निर्वाचन सम्पन्न भएको हो ।
निर्वाचित नगर सभापति यादवलाई नेपाली काँग्रेस सिरहा -१ को क्षेत्रीय सभापति महेश प्रसाद चौधरीको आशिर्वाद थियो । निर्वाचित सञ्जय यादव नेपाल विधार्थी संघबाट त्रिचन्द्र क्याम्पसको स्ववियु सचिव,नेवि संघको केन्द्रिय उपाध्यक्ष प्रदेशको संयोजक समेत रहि हाल महाधिवेशन प्रतिनिधि सदस्य पनि हुनुहुन्छ । लहानको समुन्नति र विकासको लागि सक्रियतापूर्वक लाग्ने निर्वाचित सभापति यादवले समृद्धिपथलाई छोटो प्रतिक्रिया दिनुभयो ।
सुचना तथा प्रसारण विभाग: N/A
Copyright © 2020 / 2024 - Samriddhipath.com All rights reserved
प्रेस काउन्सिल नेपाल: : N/A