काठमाडौंको तीनकुने क्षेत्रमा कर्फ्यु आदेश जारी

काठमाडौं, चैत १५ । काठमाडौंको तीनकुने क्षेत्रमा कर्फ्यु आदेश जारी गरिएको छ। जिल्ला प्रशासन कार्यालय, काठमाडौंले शान्तिनगर पुलदेखि मनोहरा खोला पुलसम्म कर्फ्यु आदेश जारी गरेको हो।

प्रशासनका अनुसार आजै राति १० बजेसम्म कर्फ्यु आदेश लागू हुनेछ। सुरक्षा संवेदनशीलताका कारण सरकारले कर्फ्यु आदेश जारी गर्नुपरेको जनाएको छ।

यसअघि राजावादी आन्दोलनलाई नियन्त्रणमा लिन सुरक्षाकर्मीको व्यापक उपस्थितिसहित विभिन्न सुरक्षा रणनीति अवलम्बन गरिएको थियो। प्रशासनले कर्फ्यु उल्लंघन गरे कानूनी कारबाही हुने चेतावनी दिएको छ।