‘ड्रिम गर्ल’ अभिनेत्री आश्मा गिरी वैवाहिक बन्धनमा बाँधिँदै, बेहुला लन्डन निवासी प्रलभ ढुंगाना

काठमाडौँ, श्रावण १५ गते। नेपाली चलचित्र उद्योगमा ‘ड्रिम गर्ल’ भनेर परिचित अभिनेत्री आश्मा गिरी विवाह बन्धनमा बाँधिन लागेकी छन्। उनी भोलि, अर्थात श्रावण १६ गते काठमाडौँस्थित रोयल बैंक्वेटेसमा हुने वैवाहिक समारोहमार्फत लन्डन निवासी प्रलभ ढुंगानासँग वैवाहिक जीवनमा बाँधिँदैछिन्।

केही समययता प्रेम सम्बन्धमा रहेका आश्मा र प्रलभले पारिवारिक सहमतिमा विवाह गर्न लागेका हुन्। विवाह समारोहमा दुबैतर्फका आफन्तजन, चलचित्रकर्मी, सञ्चारकर्मी, समाजसेवी तथा विशिष्ट व्यक्तिहरूको उपस्थिति रहने जनाइएको छ।

आश्मा गिरीले वेब‑सीरिजबाट आफ्नो अभिनय यात्रा सुरु गरी सुगठित रूपमा नेपाली चलचित्र उद्योगमा पहिचान बनाएकी छन्। उनको काम र व्यक्तित्व दुवैले उनलाई दर्शक र आलोचक दुबैको मन जिताउन सफल भएका छन्।

चलचित्र ‘ड्रिम गर्ल’ बाट चर्चा कमाएकी आश्मा गिरीले वेब सिरिज ‘Wrong Time’ मार्फत अभिनय यात्रा सुरु गरेकी थिइन्। त्यसपछि उनले ‘सम्झना’, ‘माया लुकेको कथा’, 'माया छ', 'तिम्रो मायाले बाँधेर राख' लगायतका विभिन्न फिल्म र म्युजिक भिडियोहरूमा अभिनय गरेकी छन्। अभिनयसँगै सामाजिक कार्यमा पनि सक्रिय आश्मा नेपाली मनोरञ्जन उद्योगमा उदाउँदै गरेकी अभिनेत्रीको रूपमा स्थापित छिन्।

बेहुला प्रलभ ढुंगाना हाल लन्डनमा व्यवसायिक पृष्ठभूमिमा सक्रिय छन्। उनी नेपालमै सम्पन्न हुने विवाह समारोहका लागि केही दिनअघि मात्र काठमाडौँ आएका हुन्।

विवाहको अवसरमा आयोजित विशेष समारोहमा परम्परागत नेपाली संस्कृतिअनुसार पूजापाठ, जजमान र विधिवत् रुपमा विवाह हुने जनाइएको छ। 

दुई युवायुवतीको प्रेमलाई वैवाहिक सम्बन्धमा रूपान्तरण गर्ने यस समारोहलाई सामाजिक सञ्जालमा समेत सकारात्मक चर्चा पाइरहेको छ। आश्मा गिरीका फ्यान तथा शुभचिन्तकहरूले सामाजिक सञ्जालमार्फत अग्रिम बधाई र सफल वैवाहिक जीवनको शुभकामना व्यक्त गरेका छन्।

विवाह पश्चात आश्मा केही समय पारिवारिक जिम्मेवारीमा केन्द्रित हुने बताइएको छ भने चलचित्र क्षेत्रबाट भने पूर्ण रूपमा टाढा नहुने संकेत दिइएको छ।

आश्मा गिरी र प्रलभ ढुंगानालाई समृद्ध वैवाहिक जीवनको शुभकामना!