भानु आविको विद्यालय व्यवस्थापन समितिको अध्यक्षमा श्याम सदाय

जीवछ उदासी 

लहान,भदौ १८ गते 

लहान नगरपालिका -२ स्थित श्री भानु आधारभुत विद्यालयमा डाकिएको अभिभावक भेलाबाट आज श्याम सदाय विद्यालय व्यवस्थापन समितिको अध्यक्षमा चयन भएको छ । 

सदस्यहरुमा क्रमश: चौठी महतो,वविता राम,देवनाथ यादव सियाराम यादव शिक्षक प्रतिनिधि चाँदनी यादव र सदस्य सचिवमा विद्यालयका प्रधानाध्यापक किन्त्रराज प्रसाद गुप्ता रहेका छन् । 

२०३९ सालमा स्थापना भएको भानु आधारभुत विद्यालयको हाल बेहाल भएपछि विद्यालयको सुधार गर्न र पुरानो साँख फिर्ता ल्याउन युवा प्रधानाध्यापक किन्त्रराज प्रसाद गुप्ता (सन्तोष ) लाई पठाएको लहान नगरपालिका शिक्षा शाखा प्रमुख अमिरी यादवले बताउनुभयो । उहाँले भन्नुभयो,''यस विद्यालयको सुधार गर्न प्रअ गुप्ताले थालेको अभियानमा सघाउन आवश्यक छ ।'' 

कार्यक्रममा वडाध्यक्ष सियाराम यादवले प्रअ गुप्ताले खेलिरहेको भूमिकाले विद्यालयको सुधार हुने संकेत देखिएको बताउँदै वडा कार्यालयले सबै सहयोग गर्न तयार रहेको प्रतिवद्धता व्यक्त गर्नुभयो ।

गरीव दलित मुस्लिम यादव र महतोको बाहुल्य रहेको बस्तीमा रहेको पुरानो यस विद्यालयको अवस्था दयनीय देखिएपछि दरबन्दी कटा गरिएकोले सकारात्मक माहोल बनाउन सबैले सहयोग गर्नुपर्ने स्थानीय पुर्व वडाध्यक्ष रहनु भएको देव नाथ यादवले तर्क गर्नुभयो । 

कुनै बेला यादव महतो र मुस्लिम समुदायको विधार्थी पाढने यस विद्यालयमा अहिले दलित विपन्न समुदायको बालबालिका मात्रै भर्ना रहेको छ । 

सबैले सहयोग गरे विद्यालयको पुरानो साँख फिर्ता ल्याउन आफूले अहोरात्र खटेर काम गर्ने विश्वास प्रअ गुप्ताले व्यक्त गर्नु भएको थियो ।