गगन थापा विशेष महाधिवेशनको अडानबाट पछि हटे, अब नियमित महाधिवेशनको पक्षमा

काठमाडौं । नेपाली कांग्रेसका महामन्त्री गगन थापा विशेष महाधिवेशनको अडानबाट पछि हट्दै नियमित महाधिवेशनको पक्षमा उभिएका छन्।

युवाहरूमार्फत हस्ताक्षर अभियान चलाइरहेका थापाले बिहीबार सानेपास्थित पार्टी कार्यालयमा बसेको पदाधिकारी बैठकमा मंसिरभित्र नियमित महाधिवेशन गर्ने प्रस्ताव एजेन्डाका रूपमा राखेका हुन्।

विशेष महाधिवेशनका लागि विधानगत जटिलता र पर्याप्त समर्थन नपाएपछि थापाले रणनीति परिवर्तन गरेका हुन्। उनले डा. शेखर कोइरालालाई भेटी नियमित महाधिवेशनका लागि समर्थन मागेका थिए।

अर्का महामन्त्री विश्वप्रकाश शर्माले पनि विशेष महाधिवेशनका लागि अपिल गरे पनि प्रयास असफल भएपछि पार्टी अब नियमित महाधिवेशनतर्फ केन्द्रित भएको छ।